Bes jylǵa sottalǵan vaıner Meıirjan Tórebaev úıine keldi

<p>ALMATY. KAZINFORM &ndash; Qarjy pıramıdasyn qurdy dep sottalǵan Meıirjan Tórebaev úıine keldi. Bul týraly onyń jubaıy Dana Eseeva óziniń áleýmettik jelisinde jazyp, vıdeosyn jarııalady.&nbsp;</p>

«Meıirjannyń zańda belgilengen qysqa merzimdi demalysy bar (113-bap, mekemeden tys júrý). Balalardyń baqyttan basy aınalyp otyr. Kishileri sońǵy kezdesýden keıin ǵana tilderi shyqqan, ákelerine suraqty jaýdyrtyp jatyr. Úlkenderi ákeleriniń janynda únsiz ǵana otyr. Jaqyn arada onyń Pavlodarǵa qaıta ketetinin túsinip, barynsha qushaqtap qalyp jatyr. Onda Meıirjan kúndiz «Eńbek» respýblıkalyq memlekettik kásipornynda jumys istep, keshke mekemege qaıtady. Eń bastysy, ananyń júregi tynyshtaldy. Uzaq bolmasa da, jalǵyz uly qasynda», – dep jazdy Dana Eseeva. 

Aıta keteıik, byltyr maýsym aıynda Meıirjan Tórebaev Qylmystyq kodekstiń 217-baby boıynsha kináli dep tanylyp, sot úkimine sáıkes, eń tómengi qaýipsizdik kolonııasynda bes jyl bas bostandyǵynan aıyrý jazasyna kesilgen bolatyn.

Osy jyldyń basynda vaınerler Meıirjan Tórebaev pen Meıirhan Shernııazov sotqa appelıatsııalyq shaǵym túsirdi.

Alaıda apellıatsııalyq sot vaınerlerge qatysty úkimdi ózgerissiz qaldyrdy.