Bes jylda saqtandyrý tólemderi 70%-ǵa ulǵaıdy

<p>ASTANA. KAZINFORM &ndash; Keıingi 5 jylda saqtandyrý tólemderi 102 mlrd teńgeden 176 mlrd teńgege deıin 70%-ǵa ulǵaıdy. Ásirese mindetti avtosaqtandyrý, múlikti erikti saqtandyrý jáne aýyrǵan jaǵdaıda erikti saqtandyrý kóshbasshy atandy.&nbsp;</p>

QR Qarjy naryǵyn retteý jáne damytý agenttigi tóraǵasynyń orynbasary Marııa Hadjıevanyń aıtýynsha, saqtandyrý naryǵynda tutynýshylarǵa qyzmet kórsetý úshin barlyq qajetti ınstıtýttar bar.

Naryqta 25 saqtandyrý uıymy jumys isteıdi, onyń ishinde 15-i «jalpy saqtandyrý» salasynda jáne 10-y «ómirdi saqtandyrý» salasynda, sondaı-aq 12 saqtandyrý brokeri bar. 

«Ómirdi saqtandyrý» salasy saqtandyrý naryǵynyń ósý draıveri bolyp otyr. Bıyl 1 qarashada bul sala saqtandyrý naryǵynyń jıyntyq aktıvteriniń eń kóp úlesin alady (52,5%). Keıingi 5 jylda sala aktıvteri 2 eseden astam ósip, 1,5 trln teńgege jetti. Bul memlekettik bilim berý jınaqtaý júıesi sheńberinde saqtandyrý ónimi, birlesken jáne keıinge qaldyrylǵan zeınetaqy annýıtetteri sııaqty jańa áleýmettik baǵdarlanǵan saqtandyrý ónimderin engizý arqyly múmkin boldy», - dedi spıker Ortalyq kommýnıkatsııalar qyzmetinde ótken brıfıngide. 

Ómirdi saqtandyrý salasy boıynsha saqtandyrý tólemderi keıingi 5 jylda 5 esege, atap aıtqanda, 21 mlrd teńgeden 91 mlrd teńgege deıin ulǵaıdy. Tólemderdiń negizgi kólemi qyzmetkerlerdi jazataıym oqıǵalardan mindetti saqtandyrýǵa jáne ómirdi erikti saqtandyrýǵa tıesili. 

«Jalpy saqtandyrý salasy barlyq negizgi kórsetkish boıynsha ósýdi kórsetýde – saqtandyrý kompanııalarynyń aktıvteri keıingi 5 jylda 56%-ǵa ulǵaıyp, 1 qarashadaǵy jaǵdaı boıynsha 1,4 trln teńgeni qurady. Bul saqtandyrý naryǵynyń jıyntyq aktıvteriniń 47,5%-yn quraıdy», - dedi M. Hadjıeva.