Bes jylda 1 mıllıon adam jasandy ıntellekt tehnologııasyn meńgeredi – mınıstr

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev jasandy ıntellekt tehnologııasyna oqytýdyń keshendi tásili ázirlengenin aıtty.&nbsp;</p>

«Biz halyqty jasandy ıntellekt tehnologııasyna oqytýdyń keshendi tásilin usynamyz. Osylaısha 2029 jylǵa deıin halyqty jasandy ıntellekt týraly bilim berýmen qamtamasyz etýdi qarastyryp otyrmyz. Aldaǵy 5 jyl ishinde 1 mıllıon adamdy oqytý jospar bar. Atap aıtqanda, 500 myń oqýshy, 300 myń stýdent, 90 myń memlekettik qyzmetshi, 80 myń kásipker jáne halyqtyń 30 myń basqa sanaty», - dedi Jaslan Mádıev Úkimet otyrysynda. 

Mınıstrdiń aıtýynsha, jasandy ıntellekt baǵytynda bilim berý jobalary, onyń ishinde mektep oqýshylaryna arnalǵan TUMO kreatıvti tehnologııalar ortalyǵy iske qosyldy. 

«Bıyl qazan aıynda jasandy ıntellekt salasyndaǵy mamandardy daıarlaý úshin óńirdegi alǵashqy TomorrowSchool jasandy ıntellekt mektebi ashyldy. Osy bastamalardyń barlyǵy elimizdiń adamı kapıtalyn damytýǵa, talanttardy anyqtaýǵa jáne IT-salasyn damytýǵa múmkindik beredi», - deıdi ol.