Bes saýsaq birdeı emes – Altaı Kólginov jýrnalısterge dóreki sóıleıtin memlekettik qyzmetshiler jaıly

ASTANA. QazAqparat – Óńirlik merzimdi basylymdar forýmyna qatysqan Premer-Mınıstrdiń orynbasary Altaı Kólginov jýrnalısterge dóreki sóıleıtin memlekettik qyzmetshilerge qatysty pikir bildirdi, dep habarlaıdy QazAqparat tilshisi.

«Qazir memlekettik qyzmetshige degen syn kóp. Memlekettik qyzmetshiniń jaýapkershiligi de kóp. Ol jerde de bes saýsaq birdeı emes. Degenmen jýrnalıster tarapynan túsetin saýaldarǵa dereý jaýap berý degen bar. Ásirese, qoǵamdy mazalaıtyn suraqtar bolyp turǵan kezde, alǵy shepte jalǵan aqparat emes, shynaıy memlekettik kózqaras halyqqa der kezinde jetkizilýi tıis. Al etıkaǵa keletin bolsaq, ol bárinde bolýy kerek. Onyń ishinde, jýrnalısterdiń de etıkasy bolýy tıis. Qazirgi aqparattyq keńistikke baılanysty biz memelekettik qyzmetshilerdi kóbirek oqytýymyz kerek shyǵar. Sebebi olardyń barlyǵy BAQ-qa kúndelikti suhbat bere bermeıdi», - dep pikir bildirdi Altaı Kólginov.

Qosa ketıik, buǵan deıin vıtse-premer halyqty jalǵan aqparattan qorǵaý úshin júıeli jumys atqarylýy tıis ekendigin málimdep, mınıstrlikke tapsyrma bergen edi.