Bes óńirde respýblıkalyq joldardy sý shaıdy – Kólik mınıstrligi

<p>ASTANA. KAZINFORM &ndash; Búgingi jaǵdaı boıynsha jalpy uzyndyǵy 3 430 metr respýblıkalyq joldardy sý basty. Bul týraly Kólik mınıstrligi Avtomobıl joldary komıteti tóraǵasynyń orynbasary Ǵalymjan Ótenbaev málim etti.&nbsp;</p>

«Respýblıkalyq avtojoldarǵa sý tasqyny qaýpi tóngen 396 ýchaske, 68 kópir jáne 650 sý ótkizý qubyry anyqtaldy. Qaýipti jol boılarynda táýlik boıy kezekshilik jáne kúndelikti patrýldeý uıymdastyryldy. Sý tasqyny bastalǵaly jedel sharalar qabyldanyp, barlyq óńirde ınertti jáne basqa da materıaldar daıyndaldy. Qazirgi ýaqytta 100 myń tekshe metr qum, 40 myń tekshe metr tas, 325 myń tekshe metr qıyrshyq tas, 75 myń tekshe metr qum-qıyrshyq tas qospasy jáne 150 myń dana qum salynǵan qap daıyndaldy», - dedi Ǵalymjan Ótenbaev OKQ-de ótken baspasóz máslıhatynda.

Komıtet ókiliniń aıtýynsha, erigen sýlardy ótkizý jáne avtojoldar boıyndaǵy sý ótkizý qubyrlary 100%-ǵa tazartylǵan. 

«Búgingi jaǵdaı boıynsha (7 sáýir) respýblıkalyq mańyzy bar avtomobıl joldarynda, ıaǵnı 5 oblys aýmaǵynda (Atyraý, Soltústik Qazaqstan, Aqmola, Pavlodar jáne Qostanaı) jalpy uzyndyǵy 3430 metr bolatyn jolda 9 sý basý faktisi tirkeldi», - deıdi spıker.