Bes óńirde qoı bordaqylaý alańdarynyń jelisi qurylady
«Qoı sharýashylyǵynda negizgi mindet mal basy sanyn kóbeıtý jáne zákirlik kooperatsııany damytý bolyp tabylady. Qoı sharýashylyǵyndaǵy zákirlik kooperatsııanyń jobasy Jambyl oblysynda sátti júzege asyrylýda. Kazirgi ýaqytta Almaty oblysynda Baýman nemis kompanııasymen qoı etin qaıta óndeıtin zamanaýı et kombınatyn salý boıynsha jobasy pysyqtalyp jatyr», - dedi S. Omarov Úkimet otyrysynda.
Onyń sózine qaraǵanda, kásiporyndy jyl boıyna jumyspen qamtamasyz etýge bes óńirde bordaqylaý alańdarynyń jelisin qurý josparlanǵan. Osy oraıda, bordaqylaý alańdaryn salý kezinde ınvestıtsııalyq shyǵyndardy óteý boıynsha sýbsıdııalaý mınıstrlikpen qarastyryldy.
«Byltyr 1059 sharýashylyq 374 myń bas qoıdy satyp alýǵa qarjylandyryldy. Bıyl josparǵa sáıkes 360 myń bas qoıdy satyp alýǵa qarjylandyrý josparlanǵan. Kazirgi ýaqytta naqty 28 myń bas qarjylandyryldy. Biraq kópshilik oblystarda bul jumystar áli bastalmaǵanyn nazarǵa aýdaramyn», - dedi mınıstr.
Onyń paıymynsha, eksportty arttyrýda qoı sharýashylyǵynyń áleýeti joǵary.
«Bizdiń kásiporyndardyń qozy etin Parsy shyǵanaǵy elderine jáne Qytaı naryǵyna eksporttaýda oń tájirıbesi bar. Alaıda fermerlik sharýashylyqtardyń mal basyn kóbeıtýge tómen qyzyǵýshylyǵyn eskerip, bıyl mınıstrlik salalyq odaqpen birlesip, qoı sharýashylyǵynyń qoldanystaǵy qoldaý sharalaryn qaıta qarady. Sýbsıdııalaý mehanızmderi pysyqtaldy. Tıisti ózgerister jobasy memlekettik organdarda kelisilýde», - dedi S. Omarov.