Bes ınstıtýtsıonaldyq reformanyń ózgeristeri halyq tarapynan keńinen qoldaý tapty - Memleket basshysy
Qazaqstan Prezıdenti eldiń budan ári damýy úshin bes ınstıtýtsıonaldyq reformanyń mańyzdylyǵyn, ony naqty ári júıeli túrde júzege asyrý úshin Jańǵyrtý jónindegi ulttyq komıssııa qurylǵanyn aıtty. Memleket basshysy bes ınstıtýtsıonaldyq reforma aıasynda usynylǵan ózgerister halyq tarapynan keńinen qoldaý tapqanyn, ony ótken prezıdenttik saılaý qorytyndysy kórsetkenin atap ótti.
Munymen qosa, Nursultan Nazarbaev otandyq bilim berý isindegi úshtildilik týraly aıta kelip, keleshekte Qazaqstan mekteptiń joǵary synyptary men ýnıversıtetterde jaratylystaný ǵylymdaryn oqytýdy aǵylshyn tilinde júrgizýge kóshý nıetinde ekenin atap ótti. Jalpy alǵanda, bilim salasynda qabyldanyp jatqan sharalar Astanadaǵy qarjy ortalyǵynyń jumysyna tartylýy múmkin aǵylshyn tilinde sóıleıtin jastar qataryn qalyptastyrýy tıis.