Bes ınstıtýtsıonaldyq reformany júzege asyrýǵa barsha qazaqstandyqtar atsalysýy kerek - Q. Aqqoshqarova

ALMATY. QazAqparat- Bes ınstıtýtsıonaldyq reformany júzege asyrýǵa barsha qazaqstandyqtar atsalysýy kerek. Bul týraly QazAqparat tilshisine ál-Farabı atyndaǵy Qazaq ulttyq ýnıversıtetiniń professory, QR Ulttyq ınjenerlik akademııasynyń akademıgi, QR eńbek sińirgen qaıratkeri Quralaı Aqqoshqarova málim etti.

«Elbasy Nursultan Nazarbaev ýaqyttyń ózin basyp ozatyn ozyq oılaryn halyqqa jetkizip keledi. Bul ıdeıalardyń mańyzdylyǵyn, tereńdigin qoǵam keıde aıaǵyna deıin túsine bermeıdi. Al Elbasy usynǵan bes ınstıtýtsıonaldyq reforma - bul, maqsaty bıik baǵdarlama» - dedi Q. Aqqoshqarova.

Ol qoǵamnyń suranysyna jaýap bere alatyn mundaı reformalar óte qajet dep sanaıdy. Al olardy júzege asyrýda bilikti kadrlardyń roli úlken. Búginde memleketke óz isin súıetin, joǵary bilikti mamandar kerek.

Professor sonymen qatar, búginde elimizde jastarǵa aqparattyq resýrstardyń kómegimen sapaly bilim alýlaryna barlyq jaǵdaı jasalǵandyǵyn aıtty. Sondyqtan pedagogtardyń basty mindeti - stýdentterdi óz betterimen bilimderin jetildirýge jáne alǵan bilimderin is júzinde qoldanýǵa úıretý. Búginde mamandyq tańdaýǵa syndarly, maqsatty turǵydan qaramasa bolmaıdy. Jastar óz aldaryna maqsat qoıýmen qatar, oǵan jetý joldaryn da bilýleri tıis.

«Maǵan Prezıdenttiń reformalardyń júzege asýyna árbir Qazaqstan azamatynyń jaýapty ekendigin aıtqandyǵy qatty unady. Búginde árbir adam ortaq iske qalaı úles qosa alatyndyǵy jaıynda jaqsylap oılanýy tıis. Al úles qosý degen onyń óz jumys ornyndaǵy adal eńbegi. Memlekettiń myqty, qýatty bolýy árbir azamattyń belsendiligine, azamattyq jaýapkershiligine tikeleı baılanysty. Sondyqtan joǵaryda aıtylǵan reformalardy júzege asyrýǵa barsha qazaqstandyqtar atsalysýy kerek» - dedi Q. Aqqoshqarova.