Bes ınstı­tý­t­tyq reforma - jańa ekonomıkalyq jaǵdaıdaǵy keshendi damý jospary - QR Prezıdenti

ASTANA. QazAqparat - Elbasy Ulttyq komıssııanyń otyrysynda «100 naqty qadam» Ult Jospary boıynsha aıtarlyqtaı jumys atqarylǵanyn atap kórsetti.

Memleket basshysy Nursultan Nazarbaevtyń tóraǵa­lyǵymen Jańǵyrtý jónindegi ulttyq komıssııanyń osy kezeńge deıingi jumysynyń qorytyndylaryna arnalǵan keńes ótti, dep habarlady Prezıdenttiń baspasóz qyzmeti.

Keńeske Premer-Mınıstr K.Másimov, Prezıdent Ákim­shili­giniń Basshysy N.Nyǵmatýlın, Premer-Mınıstrdiń orynbasary D.Nazarbaeva, Prezıdent Ákimshiligi Basshysynyń orynbasary B.Maılybaev, Prezıdent Ákimshiligi Basshysynyń orynbasary M.Beketaev, Joǵary Sot Keńesiniń tóraǵasy A.Smolın, Pre­zıdenttiń kómekshisi Á.Smaıy­lov, Memlekettik qyz­met is­teri mınıstri T.Donaqov, In­ves­tıtsııa jáne damý mınıstri Á.Isekeshev, Ulttyq  ekonomıka mınıstri Q.Bıshimbaev, Bi­lim jáne ǵylym mınıstri E.Sa­ǵadıev, Astana qalasynyń ákimi Á.Jaqsybekov qatysty.

Keńes barysynda kási­bı mem­lekettik apparat qalyptastyrý, zańnyń ústemdigi men eldiń eko­no­mıkalyq ósimin qamtamasyz etý máseleleri talqylandy.

Memleket basshysy ótken ke­zeńde atqarylǵan jumystar re­for­malardy tikeleı júzege asyrý úshin qolaıly ahýal qalyp­tas­tyrǵanyn atap ótti.

- Biz jarııalaǵan bes ınstı­tý­t­tyq reforma - jańa ekonomıkalyq jaǵdaıdaǵy keshendi damý jospary. Ult Josparyn sapaly júzege asyrý - bizdiń eń basty mindetimiz. Osy kezeń ishinde aýqymdy jumys at­qaryldy. Úkimet qajetti zań­­dar, tıisti normatıvtik-qu­qyq­­tyq aktiler qabyldady, mem­le­kettik qyzmettiń merıtokra­tııa qaǵı­dattaryna negizdelgen  man­­sap­tyq modeli engizildi, sot tóre­li­giniń úshbýyndy júıe­sine kóshý iske asyryldy, Jo­ǵarǵy Sot janyndaǵy Halyq­aralyq keńes jumysyna kiristi, sýdıalarǵa qoıylatyn biliktilik talaptary kúsheıtildi. Budan bólek, salyq jáne keden saıasatyn jetildirý jónindegi jumys júrgizilýde, aýqymdy jekeshelendirý isi bastaldy, eldi ındýstrııalandyrýdyń ekinshi kezeńi júrip jatyr, áleýmettik saıasat jetildirilýde, memlekettiń eseptiligi arttyrylýda. Jalpy, búginde 100 qadamnyń 23-i tolyq oryndaldy, - dedi Qazaqstan Pre­zıdenti.

Sondaı-aq, Nursultan Nazarbaev qazirgi sátte jurtshy­lyqpen saýatty jumys júrgizý isin jolǵa qoıýǵa erekshe kóńil bólgen jón ekenin atap kórsetti.

- Jańa zańnamalyq aktiler qabyldaý nátıjesinde  birqatar kemshilikter men olqylyqtar anyqtalyp jatyr. Sonyń aıqyn mysaly - jer máselesine qatysty zań. Sondyqtan, júıeli taldaý jáne qabyldanyp jatqan shara­lardy jan-jaqty talqylaý ne­gizinde qateliktermen udaıy ju­mys júrgizip otyrý qajet. Biz saıasatymyzdy jetildirý jóninde aldyn ala júıeli qadamdar jasaýǵa tıispiz, - dedi Memleket basshysy.

Jıyn barysynda jumys top­tarynyń músheleri Ulttyq komıs­sııanyń qazirgi qyzmeti týraly baıandama jasady.

Keńes qorytyndysy boıynsha Qazaqstan Prezıdenti Úkimetke ekonomıkalyq ósimdi yntalandyrý úshin 2016 jyldyń ekinshi jartysynda qosymsha 240 mlrd. teńge bólýdi tapsyrdy. Memlekettik bıýdjetten qarajatty únemdeý esebinen bólinetin resýrstar shaǵyn jáne orta bıznesti qol­daýǵa, jeke turǵyn úı qurylysy baǵdarlamasyn nesıeleý men júzege asyrý isine jumsalady.  Budan bólek, qarjy birqatar ınfraqurylymdyq jobalardy iske asyrýǵa, sonyń ishinde aýyl­dyq eldi mekenderdegi turmys sapasyn jaqsartýǵa, Quryq por­tyndaǵy parom ótkelin aıaqtaý men elorda áýejaıyn jańǵyrtýǵa bólinedi. Bul sharalar qurylys salasynda 20 myń jańa jumys ornyn ashýǵa múmkindik berip, ekonomıkalyq ósim qarqynyn jedeldetýge septigin tıgizedi. Qabyl­danyp jatqan sharalardyń tıimdiligi 2016 jylǵa jospar­lanǵan ekonomıkalyq ósim deń­geıine qosymsha 0,4 % bolady dep boljanýda, dep jazady egemen.kz.