Bes balanyń ómirin qıǵan Jitiqaradaǵy órt: tilsiz jaýǵa ne sebep boldy

<p>ASTANA. KAZINFORM &mdash; Qostanaı oblysynyń ákimi Qumar Aqsaqalov Jitiqara qalasynda bir otbasynyń bes birdeı balasynyń ajalyna sebep bolǵan tótenshe jaǵdaıǵa túsinik berdi.&nbsp;</p>

— Ókinishke qaraı, bes bala qaıtys boldy. Buqaralyq aqparat quraldarynda balalardyń jalǵyz, qaraýsyz qalǵany týraly habarlandy. Jalǵyz tiri qalǵan úıdiń úlken balasy tańerteń turyp peshti jaǵýǵa tyrysqan bolýy kerek. Ol peshke otynmen birge ol taǵy bir nárse salǵan, sol jarylysqa sebebi bolǵan. Qaıǵyly oqıǵadan keıin birden balalardyń anasymen kezdestim, birneshe kún ishinde otbasyǵa eki bólmeli páter satyp alyndy — dedi Qumar Aqsaqalov óńirdiń áleýmettik-ekonomıkalyq damýy týraly esep berý barysynda.

Odan bólek, ákimniń aıtýynsha, zardap shekken otbasyna qarjylaı qoldaý men psıhologııalyq kómek kórsetildi.

— Endi biz úshin mundaı jaǵdaıdyń qaıtalanbaýy mańyzdy. Jylý maýsymy aldynda jergilikti atqarýshy organdardyń qyzmetkerleri men órt qyzmeti mamandary barlyq úıdi aralap tútin murjasynyń, peshtiń jaı-kúıin tekserip shyqty. Jylý kózderin qalaı durys paıdalaný kerektigi týraly nusqaýlyq berildi, — deıdi ol.

Eske sala keteıik, qazannyń basynda Qostanaı oblysy Jitiqara qalasynda órt shyǵyp, bes bala qaza tapqan edi.

Keıin oblys ákimi Qumar Aqsaqalov qaıǵyly oqıǵaǵa qatysty málimdeme jasady.