5 balanyń ólimi: Aqtóbede jol apatyna qatysty is sotta qarala bastady

<p>AQTÓBE. KAZINFORM &mdash; Aqtóbe oblystyq qylmystyq ister jónindegi mamandandyrylǵan aýdanaralyq sotynda 5 bala men 3 eresek adamnyń ólimine qatysty is qaralyp bastady. Júk kóliginiń júrgizýshisine aıyp taǵyldy.</p>

Samara-Shymkent tasjolyndaǵy jol apatyna qatysty is Qylmystyq kodekstiń 345-baby boıynsha qaralyp jatyr. Jolda aldyndaǵy kólikterdi basyp ozý úshin qarsy baǵytqa shyqqan 37 jastaǵy Belarýs azamaty óz kinásin tolyq moıyndady.

Eske salsaq, Samara-Shymkent halyqaralyq mańyzy bar tas jolynda Hromtaý aýdanynyń aýmaǵynda Toyota Ipsum mınıveni jáne MAN markaly júk kóligi soqtyǵysty. Oqıǵa 7 tamyz kúni saǵat 10:00 shamasynda bolyp, barlyǵy 8 adam qaza tapty.

Kólik ishinde Aqtóbeden Mańǵystaýdaǵy jarysqa bara jatqan balalar boldy. Olar Áıteke bı aýdany Qarashataý aýylynan shyqqan. Keıin Aqtóbe qalasynan poıyzǵa minýdi josparlaǵan. Artynsha Aqtóbe oblystyq bilim basqarmasy, oblystyq dene shynyqtyrý jáne sport basqarmasy jarystyń resmı tizimde joq ekenin málimdedi.