Bes balaly otbasy úshin bul úlken kómek - Aıagúl Muqasheva

ASTANA. QazAqparat - «Nur Otan» partııasynyń sezindegi Elbasynyń kótergen bastamalary kóp balaly analar men jalpy halyqtyń ál-aýqatyn arttyratyny sózsiz. Shahtınsk qalasynda turatyn bes balanyń anasy Aıagúl Muqasheva osylaı pikir bildirdi, dep habarlaıdy QazAqparat.

«Kóp balaly analar máselesi qaralyp, ár balaǵa aı saıynǵy járdemaqy 21 000 tengeni quraǵany qatty qýantty. Meniń 5 balam bar. Bes balaly otbasy úshin 105 000 teńge óte úlken kómek», - dedi ol.

Sondaı-aq, Aıagúl Muqasheva gazdandyrýǵa qomaqty qarjy bólinetinin jáne basqa da áleýmettik bastamalardy qýana tyńdaǵanyn jasyrmady.

«Taǵy bir jańalyq, jer úıde turyp, otyn-kómirmen úı jylytyp otyrǵan jerlesterimiz úshin. Gazdandyrýǵa 920 mlrd. teńge bólinetini, bul máseleniń jaqyn arada sheshiletini emes pe?! Budan basqa da halyqtyń áleýetin arttyratyn jańalyqtar, maqsattar aıtyldy. Jastarymyzdy jumyspen qamtý, ár saladaǵy qyzmetkerlerdiń jalaqysyn kóterý, densaýlyq saqtaýdyń sapasyn arttyrý sııaqty t.b. mańyzdy máseleler aıtyldy. Biz óte qýanyshtymyz. Elimiz órkendep, damı bersin!» - dedi sóz sońynda.