Bes aqmolalyq sportshy Beıjińdegi qysqy Olımpıadaǵa qatysady

KÓKShETAÝ. QazAqparat – Aqmolalyq úsh shańǵyshy, bir bıatlonshy jáne bir parashańǵyshy Beıjińde ótetin 24-shi Qysqy Olımpıada oıyndaryna joldama jeńip aldy, dep habarlaıdy QazAqparat tilshisi.

Aqmola oblysy dene shynyqtyrý jáne sport basqarmasy baspasóz qyzmetiniń málimetinshe, 24-shi Qysqy Olımpıada oıyndary 4-20 aqpan aralyǵynda Qytaı astanasynda Beıjińde ótedi.

«Osy baıraqty jarysqa elimizden jeti shańǵyshy qatystatyn bolsa, onyń úsheýi Aqmola oblysynyń sportshylary. Olar Qazaqstan Respýblıkasynyń sport sheberleri Valerııa Tıýleneva men Nadejda Stepashkına. Valerııa Tıýleneva 2018 jylǵy Olımpıada oıyndarynyń qatysýshysy. Sonymen birge, halyqaralyq dárejedegi sport sheberi, Azııa oıyndarynyń chempıony, Dúnıejúzilik ýnıversıada júldegeri, úsh Olımpıada oıyndarynyń qatysýshysy Evgenıı Velıchko bar. Budan bólek, bıatlonnan ulttyq quramanyń sapyna Qazaqstan Respýblıkasynyń sport sheberi, Álem chempıonattarynyń qatysýshysy Aleksandr Mýhın enip otyr», - dedi vedomstvodan.

Vedomstvonyń baspasóz hatshysy Mahabbat Bolshına atap ótkendeı, 4-13 naýryz aralyǵynda Beıjińde ótetin XIII paralımpıadalyq qysqy oıyndarynda taǵy bir aqmolalyq, halyqaralyq dárejedegi sport sheberi, XII qysqy Paralımpıadalyq oıyndarǵa qatysýshy Denıs Petrenko óner kórsetedi.