Berlınde jeńil kólik trotýardaǵy bir top adamdy soǵyp ketti

NUR-SULTAN. QazAqparat - Batys Berlınniń dál ortalyǵynda avtokólik bir top adamdy qaǵyp ketti. Muǵalim qaıtys boldy, 14 oqýshy jaraqat aldy, dep habarlaıdy QazAqparat VVS jańalyqtaryna silteme jasap.

Kýágerlerdiń aıtýynsha, halyq kóp júretin Kýrfıýrstendam saýda kóshesiniń janynda «Renault Clio» markaly avtokólik birneshe ret trotýarǵa shyǵyp, adamdardy qaǵyp ketken, sodan keıin dúken terezesine soǵylǵan.

Apattan keıin júrgizýshi kólikti tastap, qylmys ornynan jasyrynýǵa tyrysty, biraq ony jergilikti azamattar ustap alyp, polıtsııaǵa tapsyrdy. Júrgizýshi Berlınde turatyn Germanııa jáne Armenııa azamattyǵy bar 29 jastaǵy er adam ekeni belgili boldy. Berlınniń ishki ister mınıstri Irıs Shprangerdiń aıtýynsha, dálelder qylmyskerdiń psıhıkalyq aýrý adam bolǵanyn kórsetedi.

Jasóspirimder zardap shekti. Muǵalim oqıǵa ornynda qaıtys boldy, ekinshi muǵalim qatty jaraqat aldy.

Oqıǵa 2016 jyly «Islam memleketi» terrorıstik uıymy terrorlyq shabýyl jasaǵan aýdanda boldy.