Berlınde on elshiliktiń uıymdastyrýymen Áz Naýryz meıramy atalyp ótti
Merekelik is-sharalar Dalem memlekettik etnologııalyq murajaıynda boldy. Áz Naýryzdy toılaýǵa Federaldyq úkimettiń jáne Býndestagtyń, qoǵamdyq-saıası, isker qurylymdardyń, dıplomatııalyq korpýstyń, Germanııanyń saraptamalyq jáne jýrnalıstik toptarynyń ókilderi qatysty.
Atap óter jaıt, atalǵan memleketterdiń ókilderi ózderiniń qolónerimen, salt-dástúrimen, ulttyq jabdyqtarymen jınalǵan qaýymdy tánti etti. Sonymen qatar ár memlekettiń elshilikteri óz elderinde tanymal ulttyq taǵamdaryn kópshilikke usyndy.
Ulystyń uly kúni bolǵan shara 10 memleket óner ujymdarynyń merekelik kontsertimen jalǵasty. Jınalǵan jurtshylyq Dına Nurpeıisova atyndaǵy akademııalyq qazaq ult aspaptar orkestriniń ónerin tamashalap, qazaq óneriniń rýhanı baılyǵyna taǵy bir márte kóz jetkizdi.
Berlındegi QR Elshiliginiń qonaqtarǵa usynǵan kórmesinde Qazaqstannyń Táýelsizdik jyldaryndaǵy jetistikteri men halyqaralyq sahnadaǵy jáne Qazaqstanda júzege asyrylyp jatqan úzdik bastamalary tanystyryldy.