Berlınde lańkestik áreket uıymdastyrmaq bolǵan HAMAS músheleri ustaldy

<p>Federaldyq prokýratýra dereginshe, ustalǵan adamdar lańkestik áreket jasaý úshin qarý izdep júrgen. Úsh adam Berlınde, taǵy bireýi Nıderlandta qolǵa tústi. <a href="Kazinform" target="_blank" rel="noopener">Kazinform </a>bul týraly <a href="https://www.dw.com/ru/v-berline-zaderzany-cleny-palestinskoj-gruppirovki-hamas/a-67726058" target="_blank" rel="noopener">DW </a>basylymyna silteme jasap habarlaıdy.</p>

Germanııa men Nıderlandta lańkestik áreket jasaý úshin qarý saqtalǵan jer astyndaǵy qupııa oryndy izdep júrgen palestınalyq HAMAS tobynyń tórt múshesi ustaldy.

«Úsheýi Berlınde tutqyndalsa, taǵy biri Rotterdamda qolǵa tústi», — dep habarlady beısenbi kún Karlsrýe federaldyq prokýratýrasy.

Mekemeniń habarlaýynsha, qarýdy Berlınge jetkizý, Eýropadaǵy evreı nysandaryna shabýyl jasaı qalǵan ýaqytqa daıyndap otyrý josparlanǵan eken.

Tórteýi de resmı sheteldik lańkestik uıymǵa qatysy bar dep aıyptalyp otyr. Olarda naqty shabýyl jospary bolmaǵan. Federaldyq prokýratýra dereginshe, olar birneshe jyldan beri HAMAS múshesi jáne uıymnyń sheteldegi aktsııalaryna qatysyp, HAMAS áskerı qanaty basshylyǵymen tyǵyz baılanysta bolǵan.

Berlınde ustalǵandardyń biri - Lıvan týmasy Abdelrahım Al-A. HAMAS basshylyǵynan Eýropada ótken jyldary jasalǵan qarý saqtalǵan jasyryn oryndy izdeý týraly buıryq alǵan. Al-A., egıpettik Mohamed B. jáne Rotterdamda ustalǵan Nazıh R. qazanda osy oryndy tabý úshin birneshe ret Berlınnen shyqqan. 15 jeltoqsanda Berlınde ustalǵandardyń úsheýi sot aldynda jaýap beredi.

Danııa 14 qazan tańerteń antıterrorlyq operatsııa aıasynda Nıderlandta lańkes bolýy múmkin adamnyń biri ustalǵanyn habarlaǵan bolatyn.