Berlınde Qazaqstan mádenıetine arnalǵan kórme jumysyn bastady

BERLIN. QazAqparat – Memleketimizdiń táýelsizdiginiń 30 jyldyǵyn atap ótý aıasynda jáne Astana kúnine oraı Germanııanyń elordasy Berlın qalasynyń «Mall of Berlin» eń tanymal saýda ortalyǵynda «Tabıǵat, mádenıet, adamdar. Ǵajaıyp Qazaqstan» atty fotokórme ashyldy, dep habarlaıdy QazAqparat.

Ashylý rásiminde Qazaqstannyń Elshisi Dáýren Káripov memleketimizdiń tarıhy men halqymyzdyń mádenıeti, sondaı-aq salt-dástúrleri týraly aıtyp ótti.

Іs-sharaǵa qatysýshylar ata-babamyz shyǵarǵan tabıǵı ónertabys – kıiz úımen tanysyp, Qazaqstannyń zamanaýı arhıtektýrasyn, tabıǵatyn, ulttyq taǵamdary men adamdaryn kórsetetin fotokórmeni tamashalaı aldy.

Ashylý rásimi qazaq ulttyq mýzykasymen aıaqtaldy.

Arnaıy osy kórmege kelgen Qazaq ulttyq óner ýnıversıtetiniń stýdentteri «Mall of Berlin» ortalyǵynyń qonaqtary úshin qazaq halyq ánderi men kúılerin oryndady.

Elshilik pen Qazaqstannan Germanııaǵa qonys aýdarǵan nemisterdiń «Qazan e.V.» atty qaýymdastyǵy uıymdastyrǵan kórme 5-17 shilde aralyǵynda ótedi.

Osy kezeńde kórmede sonymen qatar Qazaqstannyń otandyq ónderýshileri ózderiniń ekologııalyq ónimderin usynady.