Berik Jamalbekov Jambyl oblysy boıynsha memkirister departamentin basqarady

<p>Berik Jamalbekov Jambyl oblysy boıynsha memlekettik kirister departamentiniń basshysy laýazymyna taǵaıyndaldy. Bul týraly Memlekettik kirister komıtetiniń baspasóz qyzmetine silteme jasap <a href="https://kaz.inform.kz/" target="_blank" rel="noopener">QazAqparat</a> habarlaıdy.</p>

Berik Japaruly 1975 jyly Almaty oblysynda dúnıege kelgen. 

Bilimi boıynsha – quqyqtaný magıstri.

Ál-Farabı atyndaǵy Qazaq ulttyq ýnıversıtetin, RF Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn bitirdi.

Memlekettik qyzmettegi jumys ótili 24 jyldy quraıdy. 1998 jylǵy jeltoqsannan bastap Almaty qalasy Medeý aýdany boıynsha salyq basqarmasynda salyq ınspektory, jetekshi salyq ınspektory, bas maman, bólim bastyǵy bolyp jumys jasady.

2010 jylǵy qyrkúıekten Almaty qalasy boıynsha salyq departamenti májbúrlep óndirý basqarmasy jáne salyq aýdıti basqarmasy bóliminiń bastyǵy, 2011 jylǵy qyrkúıekten Almaty qalasy Almaly aýdany boıynsha salyq basqarmasynda bólim bastyǵy, bólim basshysy bolyp jumys jasady.

2013 jylǵy tamyzdan bastap Almaty qalasy boıynsha salyq departamenti QQS ákimshilendirý bóliminiń basshysy, Aktsızderdi ákimshilendirý basqarmasynyń basshysy bolyp jumys jasady.

2014 jylǵy qarashadan Almaty qalasynyń Bostandyq aýdany boıynsha memlekettik kirister basqarmasy aktsızderdi ákimshilendirý bóliminiń basshysy, basshynyń orynbasary, Alataý jáne Almaly aýdany boıynsha memlekettik kirister basqarmalarynyń basshysy bolyp jumys jasady.

2021 jylǵy maýsymnan bastap Shymkent qalasy boıynsha memlekettik kirister departamenti basshysynyń orynbasary laýazymyn atqarǵan.