Berik Ýálı: Qusbegilikten kem degende eki altynnan úmittimiz
12:30, 12 Qyrkúıek 2024
<p>ASTANA. KAZINFORM — Jarystyń ashylýynda federatsııa prezıdenti Berik Ýálı kóptegen sheteldik sportshynyń oıyndarǵa qatysýy joǵary mártebe ekenin ári jaýapkershilik júkteıtinin atap ótti.</p>
«Kóshpendiler oıyndaryna kóptegen sheteldik qonaqtyń kelgenin kórip otyrmyz. Bul tek sportqa degen qyzyǵýshylyq qana emes, sonymen qatar ǵasyrlar boıǵy kóshpendiler mádenıetine degen súıispenshilik, shynaıy janashyrlyq pen qurmettiń belgisi. Bul bizdiń ejelgi túrki sport túrlerin nasıhattaý barysynda durys baǵyt alǵanymyzdyń aıǵaǵy. Dúbirli dodadan Qazaqstan qorjynyna kem degende eki altyn túsedi degen úmit bar», — dedi Qusbegilik federatsııasynyń basshysy.
Sondaı-aq, Berik Ýálı tóreshilerden ádil tóreshilik deńgeıin qamtamasyz etýdi suraǵanyn, ázirge eshqandaı shaǵym túspegenin atap ótti.
Aıta keteıik, saıystarda Qazaqstannan 6 tóreshi, Qyrǵyzstannan 2 jáne Mońǵolııa men Reseıden bir-bir tóreshiden qyzmet etedi.