Berik Asylov: Eńbek quqyǵyn buzǵandarǵa salynatyn sanktsııa mardymsyz

<p>Іri bızneske eńbek quqyǵyn buzǵany úshin salynatyn ákimshilik sanktsııa mólsheri mardymsyz. Bul jaıynda Májilis depýtattarynyń saýalyna Bas prokýror Berik Asylovtyń jaýabynda aıtylǵan, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Qazirgi ýaqytta ArselorMıttal Temirtaý» shahtasyndaǵy sońǵy apat faktisi boıynsha Qylmystyq kodekstiń 277-baby 3-tarmaǵy boıynsha sotqa deıingi tergeý júrgizilip jatyr. Ol prokýratýranyń baqylaýynda tur. Mundaı qaıǵyly jaıt jaýapty tulǵalardyń jumysshylardyń qaýipsizdigine durys qaramaýynyń, sonymen qatar quqyqtyq retteý men memlekettik baqylaýdyń jetkiliksizdigimen baılanysty túrli faktordyń qalyptasýynyń saldary», - dedi Berik Asylov.

Máselen, onyń atap ótýinshe, iri bıznes sýbektilerine jumysshylardyń eńbek quqyqtaryn buzǵany úshin salynatyn ákimshilik sanktsııa (aıyppul kólemi 500 myń teńgeden aspaıdy) mardymsyz. Sondyqtan olarǵa tártipke jazaǵa tartý ádisi jumys istemeıdi.

«Buǵan qosa, zańnamalyq aktilerde jaraqattaný jáne qaýipsizdik tehnıkasy erejeleriniń óreskel buzylý faktileri baıqalǵan kásiporyndardy jyl saıyn tekserýge múmkindk beretin normalar joq», - dedi Berik Asylov.

Bas prokýrordyń atap ótýinshe, mundaı kásiporyndarǵa zańnamalyq sharalar qabyldaýǵa qatysty másele el Úkimetinde qarastyrylyp jatyr.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat bolyp, 46 kenshi qaza tapty.