Berik Toqtarov: Prezıdent Joldaýynda syrttan tónetin qaýipke daıyn bolýǵa shaqyrdy

ÓSKEMEN. QazAqparat – QR Ulttyq ulany «Shyǵys» óńirlik qolbasshylyǵy qolbasshysynyń tárbıe jónindegi orynbasary Berik Toqtarov Prezıdent Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty halyqqa Joldaýyna qatysty pikir bildirdi, dep habarlaıdy QazAqparat tilshisi.

«Memleket basshysy, Joǵary Bas qolbasshymyz halyqqa arnalǵan kezekti Joldaýyn qazirgi kúrdeli kezeńdi eńserýdiń jańa baǵyttaryna arnady. Álemde beleń alǵan epıdemııalyq ahýal elimizdiń barlyq salasyna keri áserin tıgizbeı qoıǵan joq. Prezıdent memlekettegi saıası, áleýmettik-ekonomıkalyq turaqtylyq pen jumys oryndaryn ashý jáne halyqtyń tabysyn arttyrý úshin 5 negizgi bastama kóterdi. Aldaǵy 2022 jyldyń 1 qańtarynan bastap elimizdegi eń tómengi jalaqy mólsheri 42 500 teńgeden 60 myń teńgege deıin kóbeıetin boldy. Bul 1 mln qazaqstandyqqa tikeleı, al eńbek etip júrgen barlyq azamattarǵa janama túrde áser etedi», - dedi Berik Toqtarov.

Onyń aıtýynsha, bul áleýmettik qoldaý ulandyqtardy da syrt aınalyp ketken joq. Máselen, 2021-2023 jyldary ofıtserlerdiń jalaqysy 70 paıyzǵa, kelisimshart boıynsha qyzmet etetin áskerılerdiń eńbekaqysy 60 paıyzǵa jýyq artady.

«Qazirdiń ózinde ulandyqtardyń aılyq jalaqysy birtindep ósip keledi. Sonymen qatar elimizdegi 13,5 myńnan astam áskerı qyzmetshige turǵyn úı tólemderi berilip turady. 2024 jyldyń sońyna deıin arnaıy jasaq quramyndaǵy kelisimshart boıynsha qyzmet atqaratyn barlyq áskerıge ofıtser shenin berý josparlanǵan. ıAǵnı, bul ofıtserlik shenge baılanysty jalaqy mólsheri de ósedi degen sóz. Bul biz úshin mańyzdy áleýmettik qoldaý bolmaq», - dedi polkovnık.

Óz sózinde ol Memleket basshysynyń syrtqy qorǵanysty kúsheıtýge erekshe toqtalǵanyn aıtty.

«Qasym-Jomart Kemeluly áskerı doktrınamyzdy tolyqtaı qaıta qarastyrýǵa mindetti ekendigimizdi jetkizdi. Menińshe, bul der kezinde kóterilgen másele. Sebebi, Aýǵanstanda úlken shıelenis bolyp jatqany belgili. Ol elmen ortaq shekaramyz bolmaǵanymen, kórshiles elderdegi turaqsyzdyqtyń salqyny bizge de tıeri anyq. Sondyqtan Prezıdentimiz óz Joldaýynda syrttan tónetin qaýipti modeldeý aıryqsha ózekti ekenin aıtyp, stsenarııler daıyndaǵan jón ekenin aıtty. ıAǵnı, bul elimizdiń Qarýly kúshterin syrttan keletin qaýip-qaterge daıyn bolýǵa mindetteıdi. Óz kezeginde Ulttyq ulannyń óńirlik qolbasshylyqtary men áskerı bólimderinde jaýyngerlik, shtabtyq jattyǵýlar keshendi túrde ótkizilip turady», - dedi Berik Toqtarov.