Berik Imashev saılaý kezinde azamattyq qoǵamdyq sektordyń kemshilikterin atady

ASTANA. QazAqparat - Shet memleketterdegi saılaýda halyqaralyq baıqaýshylar retinde ÚEU áleýeti paıdalanylmaı keledi. Bul týraly Ortalyq saılaý komıssııasynyń tóraǵasy Berik Imashev málim etti, dep habarlaıdy QazAqparat.

«Qazirgi ýaqytta elimizdiń azamattyq qoǵamdyq sektory elektoraldyq naýqandar kezeńinde sarapshylyq-quqyqtyq jáne aqparattyq-nasıhattyq qoldaýda az kórinedi. Sondaı-aq shet memleketterdegi saılaýda halyqaralyq baıqaýshylar retinde úkimettik emes uıymdardyń myqty áleýeti tolyqtaı paıdalanylmaıdy», - dep atap ótti B. Imashev QR Ortalyq saılaý komıssııasy men  Qoǵamdyq damý mınıstrliginiń birlesken otyrysynda.

Onyń sózine qaraǵanda, 2017-2018 jyldary ótken saılaýlardy baıqaý boıynsha TMD mıssııalarynda 212 qazaqstandyq baıqaýshy bolǵan. Eki saılaý naýqanynda (Reseıde jáne Ázerbaıjanda) saıası partııalardan nebári 15 (7%) baıqaýshy tirkeldi. Bul turǵyda «Nur Otan» partııasynyń músheleri 13 bolsa, Qazaqstannyń «Aq Jol» demokratııalyq partııasynyń músheleri - 2.

«Úkimettik emes uıymdardyń ókilderi nebári 3 paıyzdy (6 adam) qurady, onyń ózi Reseı saılaýynda ǵana», - dep naqtylady Berik Imashev.