Berik Asylov: Terrorızm aktileri boıynsha 46 qylmystyq is tergelýde
«Vedomstvoaralyq jedel-tergeý toby 4 baǵytty pysyqtaýda. Birinshi. Uıymdastyrý jáne qatysý. Jappaı tártipsizdikter boıynysha 44 qylmystyq is tekserilip jatyr. Aqtóbe jáne Jambyl oblystarynda 9 uıymdastyrýshy qamaýǵa alyndy.
Olar tártipsizdikterge, memlekettik jáne kommertsııalyq nysandardy qıratýǵa shaqyrdy degen kúdikke ilindi. Tártipsizdikterge qatysýshylarǵa qatysty 15 qylmystyq is qozǵaldy. Osy ister boıynsha 527 adam kúdikti retinde ótýde. 278 adam qamaýǵa alyndy», - dedi Bas prokýror Májilistiń jalyp otyrsynda.
Sondaı-aq, ol jappaı tártipsizdik pen terrorızm aktileriniń aıyrmashylyǵy nede ekenin túsindirdi.
«Ekinshi. Terrorızm aktileri boıynsha 46 qylmystyq is tergelýde. Barlyq aıyptalýshylar boıynsha jedel-izdestirý sharalary júrgizilýde.
Bul jerde jappaı tártipsizdik pen terrorızm aktileriniń aıyrmashylyǵy nede ekenin túsindirgim keledi. Tártipsizdikter men terrorıstik shabýyldar kezinde zorlyq-zombylyq, qıratý, qarýly qarsylyq oryn alady. Biraq tártipsizdikter retsiz, bılikke eshqandaı talaptar qoıylmaıdy.
Óz kezeginde terrorıstik aktilerdiń maqsaty – halyqty qorqytý jáne memlekettik organdardyń qyzmetin ádeıi toqtatý.
Bılikke talaptar qoıylady, strategııalyq obektiler, bılik pen quqyq qorǵaý organdary qarý-jaraqpen basyp alynady nemese joıylady», - dedi Berik Asylov.