Berik Ábdiǵalıuly: Bul álipbıdi halyqtyń oıy eskerilgen nusqa dep esepteımin

ASTANA. QazAqparat - «Qasıetti Qazaqstan» ǵylymı-zertteý ortalyǵynyń basshysy, qazaq tili álipbıin latyn grafıkasyna kóshirý jónindegi Ulttyq komıssııa múshesi Berik Ábdiǵalıuly álipbıdiń jańa nusqasyna qatysty pikirin bildirdi, dep habarlaıdy «QazAqparat» HAA tilshisi.

«Jalpy, álipbıdiń ulttyq sana-sezimge, ulttyq mádenıetke yqpaly óte zor. Bul burynnan beri dáleldengen. Sondyqtan, latyn álipbıiniń búgingi nusqasy halyqpen birge aqyldasyp, oıyn eskerip, qabyldanyp jatqan nusqa dep esepteımin. Sondyqtan, bul qadam bir jaǵynan saıası mańyzdy dep aıta alamyn», - deıdi ol.

Berik Ábdiǵalıulynyń aıtýynsha, talqylaý bastalǵaly beri kóptegen usynystar qabyldanǵan.

«Sondyqtan, (bul nusqany - avt.) jalpyhalyqtyq dep aıtýǵa bolatyn shyǵar. Árıne, kóbine áli túsiniksiz bolar. Ýaqytyna baılanysty aıtar bolsam, erejesi jasalǵansha  áli birshama aýqymdy jumys bar. Qazirgi jastarǵa, úlkenderge munyń qajeti qansha degen suraq týyndaýy múmkin. Keńes kezinde álipbı ádeıi kırıllge aýystyrylǵan. Osyny eskere otyryp, qazirgi qadamdy tarıhı sheshim dep qabyldaımyn», - deıdi Berik Ábdiǵalıuly.

Sonymen birge, ol qoǵamda ártúrli pikirler bolatynyn da aıtyp ótti.

«Álbette, myń adam bolǵannan keıin myń túrli pikir bolady. Ereje qabyldanady. Endigi qazirgi ýaqytta Bilim jáne ǵylym mınıstrligi, til ınstıtýttary osyǵan baılanysty qazaq tilinde jazýdyń erejelerin shyǵarý kerek. ıAǵnı, dybystar tolyq zertteledi. Onyń ózine 5 jyldaı ýaqyt ketýi múmkin. Sonyń barysynda, meniń oıymsha, aıtarlyqtaı ózgeris bolmaıdy», - dep túıdi Berik Ábdiǵalıuly.