Bereke Vank-ti Qatar ınvestorlary satyp almaqshy

<p>ASTANA. KAZINFORM &ndash; Báıterek&raquo; holdıngi men qatarlyq taraptyń arasynda Bereke Vank-ti satýǵa qatysty kelissóz júrip jatyr. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.</p>

«Iá, qazirgi ýaqytta bank aktsıoneri „Báıterek“ holdıngi men qatarlyq taraptyń arasynda kelissóz jalǵasyp jatyr. Ázirshe qandaı ýaǵdalastyqqa kelgeni, sharttary qandaı bolatynyna qatysty málimet joq. Menińshe, qazirgi ýaqytta kelissóz jalǵasý ústinde», — dedi agenttik tóraǵasy Májilistiń jalpy otyrysynan keıin BAQ ókilderiniń saýalyna oraı.

Onyń atap ótýinshe, Bereke Vank lıtsenzııasy ámbebap sanalady. 

«Bul banktiń lıtsenzııasy ámbebap sanalady. Sondyqtan ol qyzmetin ámbebap lıtsenzııaǵa sáıkes júzege asyrady. Islamdyq qarjylandyrý emes», — dedi Mádına Ábilqasymova.

Ótken jyldyń naýryzynda «Báıterek» (ulttyq basqarýshy holdıng) Bereke Bank aktsııasyn satý úshin ınvestor izdeı bastaıtyny aıtylǵan edi.