Bereke Bank-qa salynǵan AQSh sanktsııasy naýryz aıynda alynýy múmkin

ALMATY. QazAqparat – Bereke Bank (burynǵy Sberbank Qazaqstan) AQSh-tyń sanktsııadan shyǵarý týraly sheshimi naýryz aıynda jarııalanýy múmkin ekenin málim etti, dep habarlaıdy QazAqparat tilshisi banktiń baspasóz qyzmetine silteme jasap.

Bank shetel aktıvterin baqylaý jónindegi basqarmadan (OFAC) AQSh Kongresine bankti sanktsııadan shyǵarý týraly ótinim berilgeni týraly aqparatty aldy. Bul qarjy ınstıtýtynyń menshik ıesin aýystyrýymen jáne aktsıoneri Qazaqstan Úkimeti bolyp sanalatyn «Báıterek» Ulttyq basqarýshy holdıngine tolyǵymen tıesili ekenimen baılanysty.

«Barlyq qajetti qujattar AQSh-tyń tıisti ınstantsııalaryna tapsyryldy. Bizdiń kútýimizshe, sheshim naýryzda qabyldanady. Bul degenimiz - bank valıýtalyq operatsııalarmen jumys isteýge oralyp, sheteldik banktermen korrespondenttik qatynastardy qaıta qalpyna keltire alady», - delinedi bank habarlamasynda.

Eske salsaq, ótken jyldyń qyrkúıek aıynda Sberbank pen «Báıterek» UBH arasynda satyp alý-satý mámilesi jasalǵan. Bank ataýy Bereke Bank dep ózgertildi. Sondaı-aq, qyrkúıekte banktiń jańa ıesi OFAC-qa bankti sanktsııadan shyǵarý týraly qujattar paketin tapsyrǵan bolatyn.