Berdimuhamedov «Qadir túnine» oraı 356 tutqynǵa raqymshylyq jasady

<p>ASTANA. Kazinform &ndash; Túrkimenstan prezıdenti Serdar Berdimuhamedov Ramazan aıynda &laquo;Qadir túni&raquo; merekesine oraı 356 tutqynǵa raqymshylyq jasady. Bul týraly prezıdenttiń <a href="https://www.turkmenistan.gov.tm/ru/post/82016/prezident-turkmenistana-podpisal-ukaz-o-pomilovanii-v-chest-svyashchennoj-gadyr-gijesi-osuzhdyonnyh-lic-2" target="_blank" rel="noopener">jarlyǵy</a> jarııalandy.</p>

«Mınıstrler kabınetiniń músheleri, dástúr boıynsha qasıetti Qadir túni qarsańynda qylmysy úshin sottalǵan, biraq jasaǵan áreketine shyn júrekten ókinetin azamattarǵa raqymshylyq jasaý sharalaryn ótkizip jatyrmyz. Asyl dástúr boıynsha men osyǵan baılanysty 356 sottalǵanǵa raqymshylyq jasaý týraly jarlyqqa qol qoıdym», – dedi Berdimuhamedov mınıstrler kabınetiniń otyrysynda.

Sonymen qatar, qala jáne aýdan ákimderiniń basshylaryna raqymshylyqqa ilingen azamattardy jumysqa ornalastyrý sharalaryn qabyldaý jóninde tapsyrmalar berdi. Berdimuhamedov taıaýda abaqtydan shyǵatyn azamattarǵa adal eńbek etip, eldegi júzege asyrylyp jatqan aýqymdy ózgeristerge atsalysyp, memleketke adal qyzmet etip, eńbeginiń jemisin kórýdi tiledi.

Anyqtama úshin, Ramazan aıynyń «Qadir túni» ádette orazanyń 27-shi kúni (osy jyl 5-sáýirden 6-sáýirge qaraǵan tún) toılanady.