Berdiqulov atyndaǵy Úzdik sport jýrnalısi baıqaýyna ótinim qabyldaý bastaldy

<p>ASTANA. KAZINFORM &mdash; QR Týrızm jáne sport mınıstrliginiń Sport jáne dene shynyqtyrý isteri komıteti 2024 jyldyń 1 jeltoqsanyna deıin sport taqyrybyna mamandanǵan BAQ ókilderi arasynda belgili qalamger, kórnekti kósemsóz sheberi, qazaq sport jýrnalıstıkasynyń negizin qalaýshy Seıdahmet Berdiqulov atyndaǵy dástúrli baıqaýǵa materıaldar qabyldaý bastalǵanyn habarlaıdy.</p>

Konkýrs jyl saıyn jeltoqsan aıynyń ekinshi jartysynda úsh nomınatsııa boıynsha ótkiziledi:

1. «Úzdik sporttyq televızııalyq reportaj»;
2. «Úzdik sporttyq jarııalanym»;
3. «Úzdik sporttyq fotoreportaj».

Ótinishter men maqalalar Astana qalasy, Máńgilik el kóshesi, 8 úı, 6 qabat, Sport jáne dene shynyqtyrý isteri komıtetiniń baspasóz qyzmetine nemese [e-mail] elektrondyq poshtasy arqyly («2024 jylǵy S. Berdiqulov atyndaǵy baıqaýǵa» degen belgimen) qabyldanady.

Qabyldaý merzimi – 2024 jyldyń 1 jeltoqsanyna deıin.