Berdimuhamedov: Túrikmenstan men Qazaqstan qarym-qatynasy tabysty damydy

ASTANA. QazAqparat – Túrikmenstan men Qazaqstan qarym-qatynasy tabysty damydy. Bul týraly Aqordada Memleket basshysy Qasym-Jomart Toqaevpen keńeıtilgen quramdaǵy kelissóz barysynda Túrikmenstan Prezıdenti Serdar Berdimuhamedovpen aıtty, dep habarlaıdy QazAqparat tilshisi.

«Túrikmenstan delegatsııasynyń atynan Qazaqstan Prezıdentine jyly qabyldaǵany, qonaqjaılylyǵy úshin alǵys bildirýge ruqsat etińizder. Birlesken jumys úshin tamasha jaǵdaılar jasalǵan. Bıyl Túrikmenstan men Qazaqstan arasyndaǵy dıplomatııalyq qatynastardyń ornaǵanyna 30 jyl toldy. Osy jyldar ishinde eki el arasyndaǵy qarym-qatynas keń aýqymdy baǵyttar boıynsha tabysty damydy», - dedi Serdar Berdimuhamedov.

Buǵan deıin Qazaqstan Prezıdenti Qasym-Jomart Toqaev mártebeli meımannyń saparynyń tarıhı mańyzy bar ekenin aıtqanyn aıtqan edi.

«Jańa ǵana jabyq formatta biz yntymaqtastyqty damytýdyń eń ózekti máselelerin talqyladyq. Kún tártibindegi máselelerge oń kózqarasyńyz úshin rahmet. Men elderimiz arasyndaǵy yntymaqtastyq perspektıvalaryna qatysty Sizdiń barlyq kózqarastaryńyz ben pikirlerińizge oń baǵa berdim», - dedi Qasym-Jomart Toqaev.

Foto: t.me/bort_01