Berdibek Saparbaev Zýlfııa Ǵabıdýllınany merekemen quttyqtady

TARAZ. QazAqparat – Halyqaralyq áıelder kúni qarsańynda Jambyl oblysynyń ákimi Berdibek Saparbaev chempıon Zýlfııa Ǵabıdýllına men kóp balaly ana Aıjarqyn Saryqovany merekemen quttyqtap, úılerine arnaıy baryp, izgi lebizin bildirdi, dep habarlaıdy QazAqparat.

Aıta keteıik, Rıo-de-Janeıroda ótken Paralımpıadalyq oıyndarynda júzý boıynsha Altyn medal ıegeri Zýlfııa Gabıdýllına eshqandaı qıynshylyqtarǵa moıymaı tabandylyq pen eńbekkeshtikpen ómir súrýdiń jarqyn úlgisi bolyp tabylady desek artyq aıtpaımyz.

- Men sizge Memleket basshysy Qasym-Jomart Toqaevtyń arnaıy quttyqtaýyn jetkizgim keledi. Sizdiń minezińizdi, tózimdiligińiz jáne eńbekqorlyǵyńyzdy qurmetteımiz. Siz tek dańqty sportshy ǵana emes, adam retinde de kópke úlgisiz. Muqtaj otbasylarǵa kómek kórsetip, óz qarajatyńyzǵa balalarǵa arnalǵan sport alańyn saldyńyz. Basqa da ıgi istermen aınalysyp kelesiz,-deı kele oblys ákimi Zýlfııa Ǵabıdýllınany merekemen quttyqtap, oǵan gúl shoǵyn jáne QR Prezıdentiniń basshysynyń quttyqtaý hatyn tabys etti.

- Men úshin oblys ákiminiń ózi úıge kelip lebizin bildirýi, el Prezıdentiniń quttyqtaý haty tosyn syı bolyp otyr. Arnaıy kóńil bólgeni úshin shyn júrekten rızamyn. Sondaı-aq, barsha áıelder qaýymyn árdaıym jarqyn ómir pen izgilik tileımin, - dedi Z. Ǵabıdýllına.

Sondaı-aq, aımaq basshysy kópbalaly ana Aıjarqyn Saryqovany da arnaıy quttyqtap bardy. Ol búginde joldasy ekeýi jeti bala tárbıelep otyrǵa olardyń biri erekshe. Bul otbasy turaqty túrde ataýly áleýmettik kómek, múgedektigi jáne múgedektigi bar balaǵa kútim jasaý boıynsha járdemaqy, balalarǵa kepildendirilgen áleýmettik paketter alyp turady.

Berdibek Saparbaev kóp balaly anany merekesimen quttyqtap, gúl shoǵyn tabys etti. Al, balalaryna táttiler men jumsaq oıynshyqtar syılady.