Berdibek Saparbaev: Pııaz Jambyl oblysynyń brendine aınalýy tıis

TARAZ. QazAqparat – Jambyl oblysynyń ákimi Berdibek Saparbaev Baızaq aýdanyna jumys sapara barysynda pııaz jáne qyzylsha alqaptaryn aralap, onyń jınaý jumystarymen tanysty, - dep habarlaıdy QazAqparat tilshisi oblys ákiminiń baspasóz qyzmetine silteme jasap.

Búginde Baızaq aýdanynyń alqaptarynda pııazdy jıi kezdestirýge bolady. Degenmen, bul kókónisti saqtaý áli kúnge ózekti kúıinde qalyp otyr, óıtkeni ol erekshe kútim men arnaıy saqtaý sharttaryn talap etedi.

Baızaq aýdanynyń ákimi Nurjan Nurjigitovtyń aıtýynsha, aýdanda árqaısysynyń syıymdylyǵy 20 myń tonna bolatyn eki qoıma bar. Qazir olar 15 myń tonnaǵa toltyrylǵan. Bıyl Baızaq aýdanynyń alqaptarynan 100 myń tonna pııaz jınaý josparlanyp otyr. Bul kókónisti ósirýmen sharýa qojalyqtary ǵana emes, qarapaıym otbasylar da aınalysady.

Qyryqbaevtar otbasy bıyl 18 gektar jerge pııaz ekken. Oǵan tamshylatyp sýarý júıesi qoldanylady. Egistik basynan pııazdyń kelisin 35 teńgeden satyp alýǵa bolady. Ónim jınaý qarqyndy júrip jatyr. Jergilikti turǵyndardan quralǵan jumysshylar jınaǵan ár qaby úshin 80 teńgeden alady. Bir kúnde jumysshylar 8 myń teńgege deıin tabys tabady.

Oblys ákimi B.Saparbaev fermerler otbasynyń jumysyn joǵary baǵalady.

«Osy jazda jaqsy jumys istegenderińiz kórinip tur. Ónim jaqsy. Qazir eń bastysy – bul ónimdi kóktemge deıin saqtaý. Sonda onyń quny edáýir artyp, bizdiń fermerler laıyqty aqsha tabatyn bolady. Bizge osy baǵytta jumys istep, kókónis qoımalaryn kóbeıtý kerek. Bul kókónis bizdiń elimizdiń barlyq aımaqtarynda óse bermeıdi. Sondyqtan pııaz Jambyl oblysynyń brendine aınalýy qajet», - dep atap ótti aımaq basshysy.

Aýdandaǵy «ıAshar» sharýa qojalyǵy 25 gektar jerde qant qyzylshasyn ósirip otyr. Bıyl pestıtsıd quny ósken, al shıkizatty qabyldaý baǵasy burynǵy deńgeıde qalǵan. Qazir «Merke qant zaýyty» JShS qyzylshanyń kelisin 20 teńgeden qabyldaýda, onyń 12 teńgesin memleket sýbsıdııa retinde tóleıdi.

«Naryqta monopolıst bolsa olar óziniń erejelerin aıtyp, jeńildik jasamaıdy. Sondyqtan sharýalar olarǵa táýeldi bolady. Sharýa qojalyqtary qaýymdastyqqa birigip, ózderiniń shaǵyn qant zaýytyn salýy kerek. Sonda sharýalar ózderine yńǵaıly jaǵdaıda jumys istep, egistik kólemin qoryqpaý ulǵaıta alady», - dedi oblys ákimi.

Sondaı-aq, «ıAshar» sharýa qojalyǵynyń basshylyǵy «Merki qant zaýyty» JShS shıkizatty tek keshki altyǵa deıin ǵana qabyldaıdy dep shaǵymdandy. Kóptegen dıqandar óz ónimderin bul ýaqytqa deıin jetkizýge úlgermeıtindigin aıtyp, zmýyttyń qabyldaý ýaqytyn uzartýdy suraıdy. Sondaı-aq, kásiporyn shıkizatty tek 1 jeltoqsanǵa deıin qabyldaıtyndyǵyn habarlaǵan. Aımaq basshysy sharýalarǵa bul jaǵdaıdy ózi baqylaýǵa alatyndyǵyn basa aıtty.

Búkil oblysqa tanymal «Aǵalı» sharýa qojalyǵy ártúrli aýylsharýashylyq daqyldaryn ósirýmen ǵana emes, iri qara malyn bordaqylaý jáne sút ónimderi men shujyq óndirýmen aınalysady. Al jaqynda bul sharýashylyq qulpynaı ósire bastaǵan. Bıyl bul jıdek bes gektarǵa otyrǵyzylypty.

Nábı Aǵalıevtiń aıtýynsha, sharýashylyq turaqty damyp kele jatqanyn aıtyp, oblys ortalyǵynda saýda núkteleri qajettigin jetkizdi. Oblys ákimi B.Saparbaev sharýanyń bul máselesin sheship berýge oblys ákimdigi kómektesetinin aıtyp sendirdi.