Berdibek Saparbaev: Mádenıet salasynda jemqorlyq bolsa, bul sala qaıda barady
«Mádenıet salasynda jemqorlyq bolsa, mádenıet qaıda barady? Jańalyqtardan oqyp jatqandaryńyzdaı, osyndaı zaldy (Astana balet ǵımaraty) jalǵa bergeni úshin qosymsha aqsha - para alǵan jaǵdaılar kezdesken. Mundaı jaǵdaı Nur-Sultan qalasyndaǵy Gorkıı teatrynda boldy. Shymkent, Túrkistan jáne Kókshetaýda da osyndaı jaǵdaılar tirkelgen. Sondyqtan, mınıstrlik osy jaǵdaılarǵa kóbirek kóńil bólýi kerek», - dedi Berdibek Saparbaev elordada ótken Mádenıet jáne sport mınıstrliginiń keńeıtilgen alqa májilisinde.
Eske sala ketsek, buǵan deıin QR Sybaılas jemqorlyqqa qarsy is-qımyl agenttigi Tergeý komıtetiniń bas tergeýshisi Danııar Bekaıdarov 400 mln teńge para aldy degen kúdikpen elordadaǵy Gorkıı teatrynyń burynǵy dırektorynyń ústinen qylmystyq is qozǵalǵanyn málim etken edi.