Berdibek Saparbaev bıznesti qoldaý týraly aıtty

ALMATY. QazAqparat – Memleket bıznesti qoldaıdy. Bul týraly QR Premer-Mınıstriniń orynbasary Berdibek Saparbaev densaýlyq saqtaý, mádenıet, sport, bıznes, azamattyq qoǵam salalarynyń ókilderimen kezdesý barysynda aıtty, dep habarlaıdy QazAqparat tilshisi.

«Búginde bıznes úshin kóptegen jeńildikter qarastyrylǵan. Biraq soǵan qaramastan, Prezıdent bizge shaǵyn bıznesti kelesi jyldan bastap 3 jylǵa salyq tóleýden bosatý týraly buıryq berdi. Qazir Qarjy mınıstrligi qansha qarjy joǵaltatynymyzdy eseptep jatyr. Sondaı-aq, bul salyqtardyń ornyn qalaı toltyratynymyzdy oılastyryp jatyrmyz. Salyqtar - bul bizdiń áleýmettik tólemderimiz», - dedi ol.

Jıynda jumyspen qamtý baǵdarlamasy boıynsha 6% jeńildetilgen sharttarmen shaǵyn nesıeler beriletini, az qamtamasyz etilgen otbasylarǵa syıaqy mólsherlemesin 6% -dan 4% -ǵa deıin tómendetý usynylyp otyrǵany aıtyldy.

Aıta keterligi, buǵan deıin B.Saparbaev azamattyq qoǵamdy damytýǵa arnalǵan tujyrymdama týraly aıtqan bolatyn.