Berdibek Saparbaev: 160 myń otbasyǵa ataýly áleýmettik kómek taǵaıyndaldy

NUR-SULTAN. QazAqparat - Eńbek jáne halyqtyń áleýmettik qorǵaý mınıstri Berdibek Saparbaev tabysy tómen otbasylarǵa ataýly áleýmettik kómek taǵaıyndaý jumysy qalaı atqarylyp jatqanyn aıtyp berdi, dep habarlaıdy QazAqparat tilshisi.

«El ishine jasalǵan jumys saparlary aıasynda áleýmettik suraqtardyń barlyǵyna jaýap berildi. Onyń qalaı sheshiletini jóninde aıtyldy. Sizder biletindeı, mınıstrliktiń qasynda memlekettik organdarmen birlese qurylǵan jumys toby bar. Osy ótken 4 aıdyń ishinde jumys toby 11 otyrys ótkizdi. Jalpy, qazirgi tańda 160 myń otbasyǵa ataýly áleýmettik kómek taǵaıyndaldy. Ol shamamen - 806 myńdaı halyq. 10 myń otbasyǵa AÁK taǵaıyndalǵan joq. Sebebi, olar berilgen talaptarǵa sáıkes kelmeıdi. ıAǵnı, tabystary belgilengen krıterııden asyp tur», - deıdi Berdibek Saparbaev Úkimettiń baspasóz ortalyǵynda.

Mınıstrdiń aıtýyna qaraǵanda, qazirgi tańda tek sáýir men mamyr aıynyń ózinde AÁK úshin 23 mlrd teńge bólingen.

«Jalpy jyl boıy ataýly áleýmettik tólemdi tóleý úshin 130 mlrd teńge taǵaıyndalǵan. Orta eseppen árbir otbasyǵa 105 myń teńge ataýly áleýmettik kómek taǵaıyndalady. Bir aıta ketetin másele: áleýmettik jelide keıbireýler bul tólem birinshi toqsanda tólenedi dep jatyr. Qaıtalap aıtarym: tólem jyl boıy tólenedi. Biraq, onyń erejesine sáıkes tabys jyl saıyn, toqsan saıyn naqtylanyp otyratyn bolady», - deıdi mınıstr.