Berdibek Soqpaqbaevtyń zaǵıp jandarǵa arnalǵan kitabynyń tusaýkeseri ótti

<p>ASTANA. KAZINFORM &mdash; Almatydaǵy Zaǵıp jáne nashar kóretin azamattarǵa arnalǵan respýblıkalyq kitaphanada balalar jazýshysy, aqyn Berdibek Soqpaqbaevtyń týǵanyna 100 jyl tolýyna oraı &laquo;Balalar ádebıetiniń báıteregi&raquo; atty halyqaralyq onlaın konferentsııa ótti.</p>

Oǵan Qazaqstan, Reseı, Ózbektan, Qyrǵyzstan, Tatarstan zaǵıp jáne nashar kóretin azamattaryna arnalǵan arnaıy kitaphanalar qatysty. Jıynda jazýshy shyǵarmashylyǵynyń ómirsheń tustary, keıipkerleriniń erekshe portreti jaıly pikirler aıtyldy. 

Foto: Mádenıet jáne aqparat mınıstrligi

Mádenıet jáne aqparat mınıstrliginiń baspasóz qyzmeti málimetinshe, konferentsııa aıasynda «Berdibek Soqpaqbaev – balalar ádebıetiniń atasy» atty kórme ashylyp, onyń núkteli-bederli qaripte basylyp shyqqan týyndylary tanystyryldy. Sondaı-aq, Berdibek Soqpaqbaevtyń núkteli-bederli qaripte jáne aýdıo formatynda jaryqqa shyqqan «Balalyq shaqqa saıasat» kitabynyń tusaýy kesildi. Sonymen qatar Qazaq zaǵıptar qoǵamynyń kórkemónerpazdar ujymy músheleri jáne kitaphana oqyrmandarynyń qatysýymen Berdibek Soqpaqbaevtyń «Ana júregi» áńgimesinen teatrlandyrylǵan qoıylym kórsetildi. 

Foto: Mádenıet jáne aqparat mınıstrligi

Aıta keteıik, Berdibek Soqpaqbaevtyń 100 jyldyǵy ıÝNESKO-nyń ataýly kúnderi tizbesine engizilgen.