Benzıni eń arzan elder reıtınginde Qazaqstan 8-orynda tur

NUR-SULTAN. QazAqparat – Qazaqstandyq benzınniń baǵasy bir lıtri úshin 170 teńgeni quraıdy. Bul, kórshiles Túrikmenstan, Qyrǵyzstan, Reseı jáne Ózbekstanǵa qaraǵanda arzan, dep habarlaıdy QazAqparat Energyprom.kz-qa silteme jasap.

Benzın baǵasy eń arzan elder reıtınginde Qazaqstan 167 eldiń arasynda 8-shi oryndy ıelendi. Qazaqstandyq benzınniń quny lıtrine 170,2 tg qurady. Tizimde eń arzan benzıni bar elder qatarynda Venesýela, Iran jáne Angola bar.

QR Strategııalyq josparlaý jáne reformalar agenttigi Ulttyq statıstıka bıýrosynyń málimetteri boıynsha, 2020 jylǵy jeltoqsanda Qazaqstanda benzın bir jyl burynǵyǵa qaraǵanda sál qymbattady. Osylaısha, AI-95/AI-96 baǵasy 0,8% kóterilip, lıtrine 171,3 teńgeni qurady; AI-98-1,4% qymbattap, lıtri 190,2 teńgege deıin; AI-92 baǵasy 2,7% ósip, lıtri 150,6 teńgege deıin joǵarylady.

2020 jyldyń qańtar-jeltoqsanynda Qazaqstanda 4,5 mln tonna otyn óndirildi. Bul, onyń aldyńǵy jyldaǵy kólemmen para-par.