Benzınge suranystyń bolmaýynan Japonııada munaı zaýyty jabylyp jatyr

BAKÝ. QazAqparat – Japonııada kólemi jaǵynan ekinshi turǵan iri munaı óńdeý kompanııasy elde benzınge suranystyń tómendeýinen óziniń negizgi munaı óńdeý zaýytynyń birin jabady, dep habarlaıdy QazAqparat menshikti tilshisi The Mainichi Newspapers-ke silteme jasap.

Idemitsu Kosan Co. kásiporny Honsıý aralynyń ońtústik-batysyndaǵy ıAmagýtı prefektýrasynda ornalasqan. Ol táýligine 120 myń barrelge deıin munaı óńdeýge qaýqarly. Bul kólem korporatsııa qýatynyń shamamen 10% sáıkes keledi. Atalǵan munaı óńdeý zaýyty kóterme baǵamen munaı jetkizetin Japonııadaǵy iri kásiporyndar arasynda ekinshi oryn alady. Onda 450-ge jýyq maman jumys isteıdi.

Vedomstvo málimetinshe, kásiporyn 2024 jyldyń naýryz aıyna deıin jabylady. Onyń basty sebebi – elde benzındi paıdalanýdy azaıtý úderisiniń jalǵasýy.

Japonııada benzındi satý 20 jyl qatarynan turaqty túrde tómendep keledi. Bul dekarbondaýdyń jahandyq tendentsııasy aıasynda ekologııalyq taza avtomobılderdiń kóbirek engizilýine baılanysty bolyp otyr.

Idemitsu málimdemesinde sondaı-aq, suranystyń odan ári tómendeýi Japonııa halqynyń azaıýyna jáne COVID-19 pandemııasynyń saldarynan bolyp otyrǵany aıtylǵan. Bul zaýytty jabylýyna ákeldi.

Bul rette, Japonııanyń Eneos Holdings eń iri munaı óńdeý kompanııasy da 2023 qarjy jylynda óziniń eń mańyzdy munaı óńdeý zaýyttarynyń birin jabýǵa nıetti.