Benzın quıyp, órtep jibergen Olımpıada qatysýshysy qaıtys boldy

<p>ASTANA. KAZINFORM &ndash; Álemge áıgili Ýganda marafonshysy Rebekka Cheptegeı jan túrshigerlik zorlyq-zombylyq qurbany boldy. Ony er adam aqsha úshin órtep jibergen. Bul týraly <a href="https://www.bbc.com/russian/articles/cgjve7wl3v7o" target="_blank" rel="noopener">VVS</a> jazdy.</p>

Buǵan deıin Ýgandanyń alys qashyqtyqqa júgirýshisi, 2024 jylǵy Olımpıada oıyndaryna úmitker Rebekka Cheptegeıdiń jigiti Dıkson Ndıem janjal kezinde qalyńdyǵyn aıaýsyz soqqyǵa jyqqany jáne Rebekkaǵa benzın quıyp, ony órtep jibergeni habarlanǵan bolatyn.

Nátıjesinde denesiniń 75 paıyzyn kúıik shalǵan Cheptegeı aýrýhanaǵa jetkizildi.

33 jastaǵy Rebekka birneshe kún reanımatsııadan keıin aýrýhanada kóz jumdy.

Oqıǵanyń mán-jaıy áli anyqtalýda.

Aıta keteıik, Rebekka Cheptegeı tek zorlyq-zombylyqtyń qurbany ǵana emes, sonymen qatar óz elin halyqaralyq deńgeıde tanytqan daryndy sportshy. 2024 jylǵy Parıj Olımpıadasynda ol áıelder marafonynda jarysqa qatysyp, 44-orynǵa ıe boldy. Sonymen qatar Taılandta ótken 2021 jylǵy taýly jáne trassalyq júgirýden álem chempıonatyna qatysyp, altyn medal jeńip aldy. Bul onyń mansabyn sıpattaıtyn kóptegen jetistikterdiń biri ǵana.