Benzın qashan jáne qanshalyqty qymbattaıdy - mınıstrliktiń jaýaby
«Ózderińiz biletindeı, aktsızdiń baǵasy jańa jyldan bastap 10 teńgege ósedi. Dese de, bul ózgeris benzın baǵasyna birden áser etedi dep kútip otyrǵan joqpyz. Óıtkeni, munaı óńdeý zaýyttarynda óndirilgen benzın áli de kóp. Biraq, bara-bara baǵaǵa 10 teńge qosylatyn shyǵar dep boljap otyrmyz. Áıtse de 1 qańtardan bastap emes. Jarty aı, bir aı ishinde jańadan shyǵarylǵan kólem MÓZ-der arqyly janar-jaǵarmaı beketterine jetkennen keıin baǵa ósýi múmkin», - dedi Áset Maǵaýov OKQ-da ótken baspasóz máslıhatynda tilshilerdiń suraǵyna bergen jaýabynda.
Eske sala ketsek, buǵan deıin Ulttyq ekonomıka mınıstrliginiń Salyq jáne keden saıasaty departamentiniń dırektory Azamat Ámrın aktsızdiń kóterilýine baılanysty Qazaqstanda benzın qanshalyqty qymbattaıtynyn aıtyp bergen bolatyn.
«Qazirgi tańda benzın baǵasynyń aktsızi - 8 teńge, benzıniń lıtri - 150 teńge bolyp tur. Biz aktsız stavkasyn 10 500 teńgeden 24 435 teńgege arttyrdyq. Osydan baryp, benzın lıtri 10 teńgege kóteriledi. ıAǵnı, aktsız 8-den 18 teńgege kóterildi. Osylaısha, baǵa shamamen 8 paıyzǵa – 150 teńgeden 160 teńgege kóteriledi. Biraq, bul rette aktsızdiń baǵany retteýshi jalǵyz faktor emes ekenin eskerý kerek», - dedi Azamat Ámrın Úkimet otyrysynda.