Benzın baǵasyn naryqtyq sharttar retteıdi – Energetıka mınıstri

NUR-SULTAN. QazAqparat – Munaı baǵasynyń tómendeýi aıasynda Qazaqstanda benzın baǵasy qalaı qubylýy múmkin? Bul suraqqa Úkimet otyrysynan keıin tilshilerdiń aldynda Energetıka mınıstri Nurlan Noǵaev jaýap berdi, dep habarlaıdy QazAqparat tilshisi.

«Benzınniń baǵasy erkin aınalymda. Bárin naryqtyq sharttar retteıdi. Qazaqstan óziniń munaı óndirisin qysqarta ma, ulǵaıta ma degen suraqqa keler bolsaq, ózimizdiń bul baǵytta naqty josparlarymyz bar. OPEK-tiń ustanymdary – bizge usynys retinde ǵana kelip otyr. Al qazirgi tańda bizde jospardy ózgertetin oı joq», - dedi Nurlan Noǵaev.

Energetıka mınıstri qazirgi ýaqytta Qazaqstanda benzın baǵasy turaqty ekenin aıtyp ótti.

«Benzın baǵasy birneshe jyldan beri erkin naryqta. Usynys pen suranystyń nátıjesinde rettelip kele jatyr. Oǵan qajet janar-jaǵarmaı qory jetkilikti. Elimizdegi barlyq munaı óńdeý zaýyty shtatty túrde jumys istep jatyr», - dedi ol.