Benný asteroıdy Jerge qulaýy múmkin
07:28, 11 Qyrkúıek 2016
ASTANA. QazAqparat - NASA AQSh-taǵy Kanaveral múıisinen OSIRIS-REx ǵarysh apparaty ushyryldy, dep habarlaıdy 24.kz telearnasy.
Ol eki jyldan keıin Benný asteroıdyna jetip, onyń betinen topyraq jınaýy tıis. 2023 jyly oralatyn zond tarıhta alǵash ret asteroıd úlgisin Jerge jetkizedi.
Ǵalymdar onyń kómegimen Jer betinde tirshiliktiń qalaı paıda bolǵany týraly kóbirek málimet jınaýǵa úmitti. Asteroıdtar dep Kúndi aınalyp júretin shaǵyn ǵarysh denelerin aıtady.
Ǵalymdar Benný asteroıdyn 2013 jyly ashqan. Mamandar ony Jer úshin ǵaryshtaǵy eń úlken qaýip dep tanyp otyr. Sebebi XXII ǵasyrdyń aıaǵynda bul asteroıd Jerge qulaýy múmkin. Asteroıd quramyn zertteý arqyly keıinge urpaqqa osy qaterden qalaı saqtaný kerektigin bilýge bolady. Jobaǵa 800 mıllıon dollar qarjy jumsalǵan.