Belsendirilgen kómir, sarymsaq jáne kýrkýma vaktsınany aǵzadan shyǵarady - feık

NUR-SULTAN. QazAqparat - Áleýmettik jelilerde vaktsınatsııaǵa qarsy adamdar «SOVID-19-ǵa qarsy ekpe saldyrýǵa májbúr bolǵandarǵa» aǵzany detoksıkatsııalaýǵa keńes beredi. Avtorlardyń pikirinshe, preparat komponentterin belsendirilgen kómir, sarymsaq, probıotıkter, ırlandııalyq teńiz múki jáne ınfraqyzyl saýnanyń kómegimen shyǵarýǵa bolady. Bul aqparatta ǵylymǵa qarsy tujyrymdar bar, dep habarlaıdy QazAqparat Stopfake.kz-ke silteme jasap.

«Vaktsınany detoksıkatsııalaýǵa» arnalǵan ónimder tizimine bal, darshyn, kúnze, zimbir jáne keıbir bıologııalyq belsendi qospalar da kirgen. Bul kokteıldi qandaı kombınatsııada jáne dozada qabyldaý keregi týraly habarlamada aıtylmaǵan.

Biraq vaktsınany belgili bir jolmen «shyǵarýǵa» bolady degenniń ózi ǵylymǵa qarsy jáne manıpýlıatıvti bolyp tabylady. Detoksıkatsııalaý – bul aǵzadan ýly zattardy shyǵarý.
COVID-19 qarsy vaktsınalarda aǵzany ýlaıtyn zattar joq jáne olardyń óndirilýine yqpal etpeıdi. Vaktsınalardyń áseri aǵzany ınfektsııadan qorǵaýǵa, aýrý qozdyrǵyshtaryna qarsy antıdeneler qalyptastyrýǵa úıretýge baǵyttalǵan.
– Vaktsına alǵannan keıin detoksıkatsııa jasaý maǵynasyz. Eshteńeden qutylýdyń qajeti joq, aǵzada bógde zattar bolmaıdy. Adam ómir súrip, belgili bir dárejede onyń aqyl-oıy jumys istegen kezde, tikenek tárizdi aqýyzdarmen nemese mRNQ-men ıntoksıkatsııanyń bolýy múmkin emes», – dep túsindirdi medıtsına ǵylymdarynyń doktory, professor, dárilik zattar men medıtsınalyq buıymdardy saraptaý ulttyq ortalyǵynyń sarapshysy Aleksandr Gýlıaev StopFake.kz-ke.
Sondaı-aq, ol mundaı «detoks» baǵdarlamalardyń keıbir komponentterin paıdalaný ýlanýǵa ákelýi múmkin ekenin eskertedi.
— Qazirgi farmakologııa osy «baǵdarlamanyń» komponentteri arasyndaǵy ózara árekettesýdi taldaı almaıdy. Bul zattardy aralastyrǵannan keıin adamnyń ýlanýy ábden múmkin. Bulardyń arasynda ýly ósimdikter de bar. Aǵzadan vaktsınany shyǵarýǵa arnalǵan retseptilerge baqsylyq bı nege kirmeıtini túsiniksiz? Sondyqtan oqyrmandardyń keń aýdıtorııasyn «vaktsınatsıaǵa qarsy adamdardyń» jarııalanymdaryna nazar aýdarmańyzdar, óıtkeni olar muny óz maqsattarynda paıdalanady, ózińizdi aldaýǵa jol bermeńizder dep eskertkim keledi, – dep qorytyndylady professor Aleksandr Gýlıaev.