Belsendi oqýshylar bala quqyǵy boıynsha mınıstrlik chatyna engizildi

NUR-SULTAN. QazAqparat – Qazaqstannyń árbir mektebinde oqýshylar men kolledj stýdentteri arasynan Balalar ókili saılandy. Endi kezekte belsendi balalar barlyq ózekti másele boıynsha QR Bilim jáne ǵylym mınıstrligi Balalardyń quqyqtaryn qorǵaý komıtetimen tikeleı baılanysta bolady, dep habarlaıdy QazAqparat.

Búgin Dúnıejúzilik balalar kúni aıasynda balalar ókildikteriniń alǵashqy respýblıkalyq sleti ótti.

«Biz úshin balalarmen tikeleı jumys jasap, olardy qandaı suraqtar qyzyqtyratynyn, óz deńgeılerinde qandaı problemalardy anyqtaıtynyn bilip, ótinishterine jaýap berý mańyzdy. Elimizde belsendi azamattyq ustanymy bar ári óz pikirlerin ashyq aıta alatyn, dostarynyń bastamalaryn qoldaı alatyn balalar men jasóspirimderdiń qatary qalyń. Balalar ókilderiniń barlyǵy bizdiń chatta tirkeletin bolady. Olar mektepte oryn alǵan túrli oqıǵalar týraly habarlap, memlekettik organdar men uıymdardyń jumysyn jaqsartý boıynsha óz ıdeıalaryn, usynystaryn jetkize alady», – dep atap ótti Balalardyń quqyqtaryn qorǵaý komıteti tóraǵasynyń orynbasary ıÝlııa Ovechkına.

Respýblıkalyq slet barysynda buzaqylyq pen kıberbýllıngke qarsy turý, ınternet jelisinde ózin-ózi ustaý etıkasy, ekologııalyq bilim, erekshe bilim berýdi qajet etetin balalarǵa qatysty toleranttylyq máseleleri kóterildi.

«Biz joba sheńberinde balalar quqyǵyn qorǵaý tóńiregindegi máselelerge aralasa alamyz. Bul osy salada qalyptasqan jaǵdaıdy jaqsy jaqqa ózgertip, óz úlesimizdi qosý úshin taptyrmas múmkindik», – dedi 8-synyp oqýshysy, belsendi bloger Medına Maısar.

Aıta keteıik, respýblıkalyq slet QR Bilim jáne ǵylym mınıstrligi Balalardyń quqyqtaryn qorǵaý komıtetiniń YouTube-tegi resmı arnasynda tikeleı efırde ótti.