Belsendi almatylyqtar marapattaldy

  ALMATY. QazAqparat - Almaly aýdany ákimi Bekqalı Torǵaev turǵyndardy Táýelsizdik kúnimen quttyqtap, aýdannyń belsendi turǵyndaryn marapattady, dep habarlaıdy QazAqparat tilshisi.

Saltanatty jıyn Qazaqkontsert zalynda ótti. Aýdan ákimi qala aktıvin merekemen quttyqtap, ár sala ókilderine alǵysyn bildirdi.

«Búgin biz ózimizdiń tarıhı mıssııamyzdy oryndap jatyrmyz. Biz qazir táýelsiz, saıası turǵydan turaqty beıbit eldiń irgetasyn qalap jatyrmyz. Biz óz elimizdiń qýaty birlikte ekeni túsinýimiz kerek.  Qazaqstandyqtardyń bolashaǵy soǵan tikeleı baılanysty. Qazaqstan táýelsizdik alǵan 20 jyldan astam ýaqyt ishinde aldyna keleli mindetetr qoıyp otyr. Bizde alǵa damýdyń baǵyty aıqyndalǵan», - dedi ákim. 

Sonymen qatar, olóz sózinde  Qazaqstan táýelsizdiginiń jarııa bolýyna Almaty qalasynyń qosqan úlesin aıtyp ketti.

«Bizdiń qala táýelsizdiktiń altyn besigi.  Almatyda tarıhı turǵydan mańyzdy sheshimder qabyldanǵan.

Munda el táýelsizdigi týraly Konstıtýtsııalyq zań, Ata zańymyz qabyldanǵan. Eń alǵash ret memlekettik rámizder, ulttyq valıýta engizildi. Qazaqstannyń tuńǵysh prezıdenti saılanyp, alǵashqy ulyqtaý sharasy boldy», - dedi  Bekqalı Torǵaev.

Saltanatty sharadan soń ákim aýdannyń damýyna úles qosqan belgili tulǵalardy arnaıy qurmet gramotalarymen marapattady.