Belgradta qazaq ertegileri serb tilinde jaryq kórdi

<p>Qazaq halqynyń mádenı murasyn ilgeriletý maqsatynda Qazaqstannyń Serbııadaǵy Elshiligi serb tilinde qazaq ertegileriniń jınaǵyn shyǵardy, dep habarlaıdy <a href="https://kaz.inform.kz/news/shko-turgini-separatizm-ushn-5-zhilga-sottaldi-34bbb8/Kazinform" target="_blank" rel="noopener">Kazinform</a> SІM-ne silteme jasap.</p>

Qarlyǵash týraly ańyzdar, janýarlar daýy, Qańbaq shal týraly qııal-ǵajaıyp áńgimeler jáne Aldar kóseniń qýlyqtary, sondaı-aq, qazaq ertegileriniń áıgili keıipkerleriniń basqa da shytyrman oqıǵalary endi kishkentaı serb oqyrmandary men olardyń ata-analaryna qoljetimdi.

«Kitaptyń tusaýkeseri Jańa jyl qarsańynda Belgrad qalasynyń balalar kitaphanasynda ótti. Qazaqstannyń Serbııadaǵy Elshisi Mádı Atamqulov balalardy kitappen tanystyra otyryp, elimizge qatysty qyzyqty faktiler týraly aıtyp, kishkentaı oqyrmandarǵa baǵaly syılyqtar tabys etti», — delingen vedomstvo aqparatynda.

Kitaphana qyzmetkerleri Qazaqstan tarıhy men mádenıeti boıynsha ınteraktıvti vıktorına ótkizdi, sondaı-aq kitaptan birneshe qazaq halyq ertegileri oqyldy.

Jaqyn arada qazaq ertegileri jınaǵynyń júzdegen danasy Serbııanyń kitaphanalary men mektepterine usynylatyn bolady.