Belgili sport kommentatory Rabat Jánibekov ómirden ozdy
12:05, 05 Naýryz 2024
<p>ASTANA. KAZINFORM — Qazaqstandyq sport jýrnalısi, kommentator Rabat Jánibekov 82 jasqa qaraǵan shaǵynda dúnıeden ozdy. </p>
Rabat Jánibekov – qazaqtyń tuńǵysh sport kommentatorlarynyń biri. 1942 jyly 27 maýsymda Túrkistan oblysy, Qazyǵurt aýdany, Rabat aýylynda dúnıege kelgen.
1968-2003 jyldar aralyǵynda – 40 jylǵa jýyq – qazaq televızııasynda redaktor, sport kommentatory qyzmetterin atqardy. Búkilodaqtyq sporttyq sharalardy qamtydy. Ol pikir bildirgen alǵashqy match fýtboldan KSRO chempıonaty aıasyndaǵy «Qaırat» pen «Torpedo» (Máskeý) arasyndaǵy kezdesý boldy.
Uzaq ýaqyt Bilim jáne ǵylym mınıstrligi Ǵylymı-praktıkalyq ortalyǵynyń baspasóz hatshysy qyzmetin de atqardy.
Kazinform redaktsııasy Rabat Jánibekovtiń otbasy men jaqyndaryna qaıǵylaryna ortaqtasyp kóńil aıtady.