Belgili medıamenedjer Ulttyq sport qaýymdastyǵynyń vıtse-prezıdenti – atqarýshy dırektory boldy

<p>ASTANA. KAZINFORM - &laquo;Joryq&raquo; at sporty federatsııasynyń prezıdenti, &laquo;Uly dala joryǵy&raquo; marafon-báıgesiniń ıdeıa avtory Baqytjan Turlybekov Ulttyq sport qaýymdastyǵynyń vıtse-prezıdenti &ndash; atqarýshy dırektory bolyp taǵaıyndaldy.&nbsp;</p>

Ulttyq sport qaýymdastyǵynyń quramyna 10 federatsııa kiredi: báıge, kókpar, teńge ilý, aýdaryspaq, jamby atý, qusbegilik, dástúrli sadaq atý, asyq atý, toǵyzqumalaq, «Joryq».

B.Turlybekov atalǵan federatsııalardyń jumysyn úılestirýmen aınalysatyn bolady.

B.Turlybekov eki joǵary bilimi jáne jýrnalıstıkada mol tájirıbesi bar bilikti medıamenedjer.

B.Turlybekov óziniń eńbek jolyn daryndy balalarǵa arnalǵan O.Jáýtikov atyndaǵy Respýblıkalyq mamandandyrylǵan fızıka-matematıka mektebinde bastady. 

2009-2013 jyldary Qazaqstan Respýblıkasy mádenıet jáne aqparat mınıstrliginiń túrli qurylymdyq bólimshelerinde qyzmet atqarǵan. 

2013-2023 jyldar aralyǵynda NewTimes.kz aqparattyq agenttigin, «Elorda Aqparat», «Aıqyn-Lıter» JShS-in, «Halyq úni» medıa-resýrstaryn basqardy.

Mektep oqýshylary arasynda 2018-2021 jyldary uıymdastyrylǵan batyrlar jyryn jatqa aıtýdan «Tulpar minip, tý alǵan» respýblıkalyq aǵartý jobasynyń negizin qalaýshy. 

Úılengen, bes balanyń ákesi.