Belgili balýan Qazaqstan kúres federatsııasynyń vıtse-prezıdenti boldy

<p>Búgin Astana qalasy &laquo;Park Inn Radisson Astana&raquo; qonaq úıiniń májilis zalynda grek-rım, erkin jáne áıelder kúresi ulttyq federatsııasynyń jyldyq esep berý konferentsııasy ótti, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Qazaqstan kúres federatsııasynyń baspasóz qyzmeti málim etkendeı, atalmysh jıynda erkin kúresten Azııa chempıony, jasóspirimder arasyndaǵy álem chempıony Nurjan Qataev Qazaqstan kúres federatsııasynyń vıtse-prezıdenti bolyp saılandy.

Nurjan Qataev erkin kúresten halyqaralyq dárejedegi sport sheberi. Búginge deıin sport salasynda talmaı eńbek etip keledi.

Sonymen birge, Atyraý oblystyq kúres federatsııasyn basqarǵan Asqar Qulov ta vıtse-prezıdenttikke saılandy.

Sondaı-aq, Qazaqstan kúres federatsııasynyń konferentsııasynda 2024 jylǵa arnalǵan josparlar talqylandy.