Belgili ánshi Gúlnar Sıqymbaeva dúnıeden ozdy

<p>ASTANA. KAZINFORM - Tanymal estrada ánshisi, Qazaqstan Respýblıkasynyń eńbek sińirgen ártisi Gúlnar Sıqymbaeva dúnıeden ótti.</p>

Gúlnar Ermekqyzy Sıqymbaeva 1961 jyly Túrkistan oblysy Tólebı aýdanynda dúnıege kelgen. Estrada ánshisi «Gúlder» ansamblinde eńbek etip, ónersúıer qaýymǵa «Men saǵan ókpelemeımin», «Merekem – sen», «Aıaýlym» ánderimen keńinen tanyldy. 2000-jyldardyń basynda «Habar» telearnasy túsirgen «Uıat bolmasyn» baǵdarlamasynyń belsendi qatysýshysy retinde de kórermen qaýymǵa jaqsy tanymal.

Alaıda sońǵy jyldary ánshi sahna tórinen kórinbeı ketti. 

Gúlnar Ermekqyzy ómiriniń sońǵy jyldarynda Qazaq memlekettik qyzdar pedagogıkalyq ýnıversıtetinde sabaq berip, stýdentterge dáris oqýmen aınalysty.

«Aǵa oqytýshy degen dárejem bar. Jalpy, bul jumysqa osy oqý ornyndaǵy óner jáne mádenıet kafedrasynyń meńgerýshisi Gúlnur Ómirbaeva shaqyrǵan bolatyn. Shynyn aıtý kerek, bizdiń jasymyzda ánshilik ónerdi tastamaı, jalǵastyrý birshama qıyndyq týdyrady. Ol úshin únemi kontsert, issaparlarda júrý kerek. Otbasy, bala-shaǵa, tirshilik qamy bar degendeı... Áıteýir, qazir ustaz bolyp, dáris oqyp júrmin», - dep suhbat bergen bolatyn kózi tirisinde marqum.

Gúlnar Sıqymbaevanyń sońǵy jyldary densaýlyǵy bolmaı, búıregi syrqattanyp, arnaıy apparat arqyly em alyp júrgen bolatyn. 

Marqumnyń janazasy 6-qazan kúni saǵat 12.00-de Túrkistan oblysy Tólebı aýdany Jambyl aýylyndaǵy ózi týyp-ósken qara shańyraqta ótpek.