Belgııalyq áıel marafonǵa jyl boıy qatysyp, rekord ornatty

<p>ASTANA. KAZINFORM -&nbsp; 55 jastaǵy sportshy bir jyl ishinde keminde 15,4 myń shaqyrym júgirdi, dep habarlaıdy Kazinform <a href="https://ru.euronews.com/my-europe/2024/12/31/belgium-marathon-woma" target="_blank" rel="noopener">Euronews</a>-ke silteme jasap.&nbsp;</p>

Belgııalyq Hılde Dozon 2024 jyly kún saıyn marafonǵa qatysqan álemdegi alǵashqy áıel boldy. Seısenbi kúni ol Gentte máre syzyǵyn sońǵy ret kesip ótti. Endi jelaıaq áıel Gınnestiń rekordtar kitabyna engizý úshin qujattaryn tapsyrýy kerek.

- Men úshin psıhıkalyq turǵydan góri fızıkalyq stress aýyr boldy. Árıne, fızıkalyq turǵyda bári tártippen bolýy kerek, áıtpese kúnde tórt saǵat júgire almaısyń. Biraq start syzyǵyna kún saıyn shyǵý psıhıkaǵa úlken salmaq túsiredi, - dep bólisti Hılde tájirıbesi týraly.

55 jastaǵy sportshy bir jylda 15 myń shaqyrymnan astam júgirip qana qoımaı, sút bezi obyryn emdeýge arnalǵan aktsııalary kezinde 60 myń eýro jınaǵan. Ol 2023 jyly 150 kún marafonǵa qatysqan aýstralııalyq Erchane Mıýrreı-Bartletttiń rekordyn jańarta aldy.

Qazaqstandyq aýyr atlet Qatarda eki ret rekord ornatqanyn jazǵan bolatynbyz.